|
Maistre
Franeois, debvez le croire, Emprunta deux grans brotz brotz de boys, Disant qu'il était nécessaire D'avoir du vin par ambargoys. L(un fist emplir de belle eau clére, Et vint à la Pomme de pin, Portant ses deux brotz sans renchére, Demandant s'ils avoient bon vin, Et qu'on luy emplist du plus fin, Mais qu'il fust blanc et amoureux. On luy emplist, pour faire fin, D'ung trés bon vin blanc de Baigneux. Maistre Franêoys print les deux brotz, L'un emprés l'autre les bouta. Incontinent, par bon propos, Sans se haster il demanda Au varlet, quel vin est cela? Il luy dist vin blanc de Baigneux. Ostez, ostez, ostez cela, Car par ma foy, point je n'en veulx! Qu'esse-cy, estes-vous bejaulne? Vuidez-moy mon broc vistement, Je demande du vin de Beaulne, Qui soit bon et non aultrement. Et en parlant, subtilement, Le brotz qui estoit d'eaüe plain Luy changea à pur et à plein. Par ce point ils eurent du vin... |
| - |